Молитва преподобному Александру Свирскому, чтобы родился мальчик

При желании иметь ребёнка мужского пола, чтобы родился мальчик


Молитва преподобному Александру Свирскому

О, священная главо, ангеле земный и человече небесный, преподобие и богоносне отче наш Александре, изрядный угодниче Пресвятыя и Единосущныя Троицы, многия милости живущим во святей обители твоей и всем, с верою и любовию притекающим к тебе, являяй. Испроси нам вся к житию сему временному благопотребная, паче же к вечному спасению нашему нужная. Пособству и предстательством твоим, угодниче Божий, правителем страны нашея России. И да в мире глубоце пребудет святая православная Церковь Христова. Буди всем нам, чудотворче святый, во всякой скорби и обстоянии помощниче. Наипаче же в час кончины нашея явися нам, заступниче благосердый, да не предани будем на мытарствах воздушных власти злобного миродержца, но да сподобимся непреткновеннаго восхода в Царствие Небесное. Ей, Отче, молитвенниче наш присный! Не посрами упования нашего, не презри смиренных молений наших, но присно о нас пред Престолом Живоначальныя Троицы предстательствую, да сподобимся вкупе с тобою и со всеми святыми, яще и недостойны есмы, в селениих Единаго в Троице Бога, Отца и Сына и Святаго Духа во веки веков. Аминь.